Россий мучко гармонь XIX курым кыдалне шарлен. Эн ондак марий-влак деке Виче олаште ыштыме гармонь логалын. Тудын пурла велныже шым клавиш лийын. Илен-толын, марий-влакат шке муро йӱк радамыштлан келшыше гармоньым ыштеныт. Пытартыш жапыште кучылтмо марла гармонь латкок паҥган. Кажне паҥгаже ик йӱкым гына луктеш. Шола кид дене шокташ ныл мужыр клавишым ыштыме. Кызыт марла гармонь олмеш кок радаман хромка, баян ден аккордеон кумда верым налыныт.
Марла гармонь
