Шем тамган йошкар копшаҥгым кучен да тудын кӱшкӧ але ӱлык чоҥештымыжым кажне еҥ эскерен, очыни. Тыге трай полшымо дене игечын могай лиймыжым мужедын. Айста ты мотор копшаҥге нерген кумданрак пален налына.
- Тӱняште 4 тӱжем тӱрлӧ трай уло. Нуно икте-весе деч тӱс да шулдырысо сӱрет дене ойыртемалтыт.
- «Копшаҥгын шулдырыштыжо мыняр тамга – тынар ияш» манме ой чын огыл. Йошкаргын шукыж годым шым тамга гын, весын 28 марте лийын кертеш.
- Трай 10-12 тылзе ила. Кочкыш ситышын, лӱдыкшыдымылык уке гын, ӱмыржӧ 2 ий марте шуйнен кертеш.
- Тля да кушкыллан эҥгекым ыштыше вес тыгыде шукш-копшаҥгым кочкеш.
- Телым кашак дене мален эртарат.
Оля МАЙКОВА ямдылен.
