Уста композитор, дирижёр И.И.Егоров дене вашлиймаш Михайловка тӱвыра пӧртыштӧ эртаралтын (снимкыште). Тушко ялысе калык, тунемше, туныктышо-влак погыненыт. Иван Ильич шочмо верже, йоча пагытше, пашаж нерген каласкален. Вашлиймаште тудын шоктымо ятыр муро йоҥген. И.И.Егоровын ешыжат мурсемлан шӱман. Родион эргыже – композитор, мурызо. Марина ӱдыржӧ мураш йӧрата. Пелашыже Зоя Михайловна поро каҥашым пуа. «Мурсем – тиде мыйын илышем», – ойла Иван Ильич.
Э.СТЕПАНОВА.
Советский район.
Фотом еш архив гыч налме.
