18 ноябрьыште Йошкар-Олаште Самырык-влакын полатыштышт «Марий КВН» республикысе фестиваль эртаралтын. Конкурсыш куд команде ушнен. Шернур районын «Нурвел» командыжат мастарлыкшым ончыктен. Мыйым капитанлан ойыреныт. Мемнан коклаште 1-ше номеран Шернур школын тунемшыже-влак, туныктышо ден мер пашаеҥ-шамыч лийыныт. Шкенан дене палдарымашнам, мыскаранам шочмо районын брендше-влак, кумдан палыме еҥже-шамыч дене кылденна. Кумшо верым сеҥен налынна. Мый «Эн ӱшанче капитан» таҥасыште ойыртемалтынам. «Мыскара ӱмырым шуя», – маныт. Йолташ-влак, воштылза!
Дмитрий ВЕДЕНЬКИН.
