Ойганен шарныме кечын Кугу Ачамланде сарыште вуйым пыштыше кугезына-влакым шарналтенна, обелиск ончылно сортам чӱктенна. Кугыеҥ-шамыч деке меат шӱжарем дене коктын ушненна (снимкыште). Мый «Тыныс верч» почеламутым лудынам. Тудым шке возенам. «Муро кумыл» ансамбльын участникше-влак Валентина Георгиевна ден Антонида Александровна ойленыт. Нуно шке эргышт нерген каласкаленыт. Антонида Александровнан Андрей эргыже шукерте огыл специальный сарзе операцийыште вуйым пыштен. Ме геройна-влак дене кугешнена да нуным шарнен илена.
Надежда СЕРГЕЕВА.
Морко, Шӱргыял.
Елена ГРИГОРЬЕВАН фотожо.
