Российын кечыжым Звенигово олаште книгагудын пашаеҥже-влак дене пырля Юл воктене палемденна. «Родное слово» акцийыш ушнен, почеламутым марла лудынна (снимкыште). Мый Иван Осминын «Шочмо вержым» лудынам. Акцийыш ушнышо-шамычлан пӧлекым кучыктеныт. Тылеч вара мастер-класс лийын: синельный воштыр гыч кидшолым ышташ тунемынна. Мыят шкаланем келыштаренам. Тӱрлӧ конкурсышто, акцийыште, мероприятийыште лиймеке, мыйым у шӱлыш авалта. Утларак чолга лияш кумыл лектеш.
Виктория ИВАНОВА.
Звенигово, Памашсола.
Фотом еш архив гыч налме.
