Йоча книган тӱнямбал кечыже лӱмеш Михайловка ялысе библиотекыште «Книгагудо, книга да мый – ойыраш лийдыме йолташ» сылнымут шагат эртаралтын. Оҥай вашлиймаште кокымшо классыште тунемше-влак лийыныт. Книгагудо пашаеҥ С.В.Моторова йоча-шамычлан пайремын историйже, Г.Х.Андерсенын илыш корныжо нерген каласкален. «Оле Лукойе» йомакым йӱкын лудмым колыштыныт. Пайрем мучаште тунемше-влак, клейым, скотчым, кагазым кучылтын, книгалам ачаленыт. Вашлиймаш чылалан пайдале лийын.
Э.СТЕПАНОВА.
Советский район.
