14-16 октябрьыште Удмурт Республикысе Можга олаште грек-рим кучедалмаш дене республикысе турнир эртаралтын. Тушто тӱрлӧ кундем гыч 220 спортсмен вийжым терген. Марий Элын чапшым Йошкар-Оласе Грек-рим кучедалмаш дене олимпийский резерв спорт школын рвезыже-влак араленыт. Матвей Колениченко, Егор Данилов, Александр Дерябин, Алмаз Солдатов шке нелытанышт коклаште сеҥышыш лектыныт. Артём Грецов, Матвей Кузнецов кокымшо, Анатолий Маркин, Лев Семагин, Магомед Али Курбанов кумшо лийыныт. Рвезе-шамычым да нунын тренерышт А.Г.Серяковым, А.И.Феоктистовым, М.Ж.Сабитовым шокшын саламлена.
Онар гай патыр улыт
