Советский посёлкысо 3-шо номеран школышто «Менделеевский лудмаш» республикысе шанче-практик конференций латкокымшо гана эртаралтын. Марий Эл Республикысе кандаш районышто тӱрлӧ школышто 1-11-ше класслаште тунемше 98 ӱдыр-рвезе ушнен. Нунын коклаште Морко район Коркатово лицейын 11-ше «А» классыштыже тунемше-влак (снимкыште) лийыныт. Нуно химий, биологий, экологий предметла дене келге шинчымашым ончыктеныт да сеҥыше-шамыч радамыш лектыныт. Йоча-влакын кӱкшӧ лектышыш шумаште туныктышышт В.М.Васильеван, Р.А.Новикован, С.Ю.Егорован надырышт моткоч кугу.
В.СМИРНОВ.
