Авам дене Ярамарий ял воктенысе чодырашке лӱмегожын кичкыжым погаш миенна. Тушто ятыр вондер кушкеш. Чодыраште канаш сай. Южшо могай тамле пушан?! Тудо мемнам эмла, садлан чӱчкыдынрак кошташ тыршена.
Мӧҥгӧ толмеке, кичкым сайын коштенна. Ешыштына иктаж-кӧ черлана гын, авам чайышке пыштен йӱкта. Кичке-влак саскам ушештарат: эн ончыч ужарге лийыт, кӱймекышт, шемалге-канде.
Лӱмегожын кичкыжым лого-шамыч йӧратат. Нуно чодыра мучко тудым «ӱден» чоҥештылыт. Телым шордо-влакат кочкыт. Тиде вондер воктеч теат эртен ида кай, кичкыжым тамлен ончыза – витаминлан поян.
Давид ТИМОФЕЕВ.
Волжск, 2-шо номеран школ.
