Марий йылмым да литературым туныктышо-влаклан «Этнокультурные традиции и духовно-нравственное воспитание обучающихся на уроках марийского языка и литературы» районысо семинар-практикум Ӱлыл Йыванай школышто эртаралтын. Верысе школышто марий йылмым да литературым туныктышо Ю.С.Каляева 9-ше классыште «Марий йылме дене ОГЭ-лан ямдылалтмаш» виш урокым ончыктен.
Урок деч вара тӱрлӧ классыште тунемше-шамыч Российысе калык-влакын икоян улмо идалыклан пӧлеклалтше сылнымут да сылнысем мероприятийыш ӱжыныт (снимкыште). Семинар «йыргешке ӱстел» дене мучашлалтын. Ятыр пӱсӧ йодышым каҥашеныт. Вашлиймаш оҥай да пайдале лийын.
Н.А.БЕЛЯЕВА.
Башкортостан, Балтач, Ӱлыл Йыванай.
Фотом школ архив гыч налме
