Йоча-влак, те каныш жапдам кузе эртареда? Мый аваемлан полышкалем. Мемнан кугу теплице уло. Тушто кияр ден помидор кушкыт. Нуно сай саскам пуышт манын, вӱдым шавыман, шӱкшудым кӱрман, мландым пушкыдемдыман. Мыят кертмем семын авам воктене шогылтам. Эн ондак авам росотам ышта, вара теплицышке луктын шында. Мый киярым моткоч йӧратем (снимкыште). Кияр гыч салатым ыштена, телылан банкышке оптена.
Киярын шочмо верже – Индий. А мемнан деке тудо IX курымышто веле толын. Киярлан памятник-влакымат шогалтеныт.
Паша УХОВ.
Йошкар-Ола, 80-ше номеран «Ӱжара» йочасад.
Фотом еш архив ныч налме.
