Родо-тукымем Морко кундемын ик эн сылне верыштыже – Ӱшӱттӱр ялыште – ила. Ачамын пӧрт ваштарешыже ужар пӱнчерла сылнын койын йӱклана. Пакча шеҥгелне памашшинча яндар вӱдшӧ дене куандара, да кечын шкеж деке ӱжеш. Вес велне нӧлперан тошкем шонанпыл гай тӱрлӧ тӱс дене волгалтеш. Тора гыч чылт тӱрлеман солык гай коеш. Кеҥежым изижге-кугужге Ӱшӱтыш йӱштылаш коштыт. Шокшо кечыште эҥер гыч лекмет ок шу. А сер воктеныже але тусо олыкыштыжо могай сылне! Ломберан, шӱшпык йӱкан, тӱрлӧ пеледышан мотор вер! Вершӧр тӱрлӧ емыжлан поян. Ял калык модым, пӧчыжым пога. Ме снегым Изнур ял шеҥгекыла погаш коштына. Колхоз лийме годым Пеледыш пайремымат туштыла эртареныт. Кызыт тиде вер вашталтын. Чодыражат вес семын коеш. Кугу тумым ужын, чылт ӧрмалгышна. Тиде пушеҥгым кум еҥ ӧндал шогалеш гынат, кид вашла огеш шу. Пушеҥге кугу оза гай койын кушкеш. Тек тудо ончыкыжымат мемнам порын вашлиеш.
С.СЕРГЕЕВА.
Снимкыште: Ольга Волкова.
В.ВОЛКОВЫН фотожо.
