Йоча да самырык-влаклан «Ворошиловский стрелок» всероссийский фестивальын регионысо йыжыҥже Йошкар-Олаште 19-ше номеран школышто эртаралтын. Курыкмарий, Советский, Морко районла гыч ӱдыр-рвезе-шамыч таҥасымашке ушненыт. Нуно спорт да творческий ужашлаште вий-куатыштым тергеныт. Морко район Коркатово лицейыште тунемше-влак Карина Краснова ден Игнат Тихонов гранатым кышкымаште икымше лийыныт. Лӱйкалымаште кумшо ден кокымшо верлам сеҥен налыныт. Команде дене кокымшо верыш лектыныт (туныктышо – Ю.Н.Романов). Курыкмарий район Пїзїкныр школын командыже икымше лийын. Нуно Марий Элын чапшым российысе йыжыҥыште аралаш тӱҥалыт.
В.СМИРНОВ ямдылен.
Фотом Марий Эл Республикысе Образований да науко министерствын сайтше гыч налме.
