Советский район Вечын школын кудывечышкыже пурымек, вигак арулык ден моторлык шижалтыт. Клумбылаште тӱрлӧ пеледыш пеледеш, вондер-влакат ужарген тӱзланат. Йоча-шамыч «Школьная клумба» проект радамыште йырваш улшо моторлыкым изинек аралат. Шошым туныктышышт дене пырля тӱрлӧ кушкылым шындат. Кеҥежым черет дене дежуритлаш коштыт. Вӱдым шават, шӱкым сомылат. Самырык тукым пашаланат шӱман, шкенжын да йолташыжын ыштыме сомылымат аклен кушкеш.
Тунемше-шамычын патриотизм шӱлышан улмышт шижалтеш. Военный спецоперацийыште улшо-влаклан маскироватлалтме сеткым пидыт. Поро пашам шуктымаште 10-шо классыш вончышо К.Домрачевам поснак палемдыман. Ксения тыгай сай пашаш ятыр гана ушнен. Икшыве-шамыч тыгак обелиск йыр арулыкым эскерат. Кугу Ачамланде сарыште вуйым пыштыше герой-влакын подвигыштым огыт мондо.
З.ТИМОФЕЕВА.
Снимкыште: туныктышо А.В.Щербакова тунемше-влак дене пырля.
И.Речкинын фотожо.
