Шке шижмаш нерген «йӧратем» мут деч посна палдараш лиеш мо? Тиде йодышлан йоча-влак теве кузе вашештеныт.
Наталья КУЛЕВСКАЯ (Медведево, Руэм): «Лишыл еҥлан сайым ышташ кеч-кунам уто огыл. 14 февральыште мый ача-авамлан поделкым ямдылем, сӱретым кучыктем».
Полина ПЕТУХОВА (Советский, Ургаш): «Мут шояк лийын кертеш, садлан йӧратымашым поро паша, пӧлек гоч ончыктыман. Школыштат ме ты кечым палемдена, тӱрлӧ акцийыш ушнена. Иктыже тыгай: почто яшлыкым келыштарена, тушко йоча-влак кече мучко валентинкым оптена. Мучашлан «шӱм-влакым» озаштлан пуэдат».
Магдалина БАТАЕВА (Звенигово, Чакмарий): «Ача-авамын йӧратымашыштым мый примерлан шотлем. Нуно икте-весын пашаштым аклат, мутыштым шотыш налыт. Мемнамат ваш эҥертен, пагален илаш туныктат».
О.МОШКИНА-МАЙКОВА ямдылен.
