Теле каникул жапыште йолташ ӱдырем-влак дене пырля Кӱчыкэҥер ялыште верланыше Миклай Казаков лӱмеш тоштерышке миен улына (снимкыште). Тудым Г.К.Сошина вуйлата. Галина Климентьевна мыланна тоштерын эртыме корныжым, тӱрлӧ арверым, ожнысо вургемым ончыктен да сарыште лийше-влаклан пӧлеклалтше пӧлемышке ӱжын. Тушто мемнам пырдыжыште кечыше фотосӱрет-шамыч вашлийыныт. Нунын коклаште мыйын кочам Архип Васильевич Илюткин уло.
Архип кочам – шемалге ӱпан, кӱреналге шинчан, вичкыж капкылан самырык пӧръеҥ. Военный вургемым чиен. Кугу Ачамланде сарым армийыште вашлийын. Кочам фашист-влак ваштареш лӱдде кредалын, но 1942 ийыште тушман пуля ту¬дын илышыжым кӱрлын.
Ме Архип кочана нерген шарнымашым арален илена. Мый кочаем дене кугешнем.
Мария НИКОЛАЕВА.
Морко, Эҥерсола.
Фотом еш архив гыч налме.
