Теле каныш деч вара икымше тунемме кечын ме класс вуйлатышынан у ий заданийжым иктешлышна: каникулышто кажне кечын могай поро пашам ыштымым дневникеш возенна. Ӱдыр-шамыч пӧртым арун кучаш полшеныт, кӱмыж-совлам мушкыныт, ава ден пырля кочкышым ямдыленыт, книгам лудыныт, родо-тукымым У ий пайрем дене саламленыт, изи шольо-шӱжар-влак дене модыныт. А рвезе-шамыч кудывечыште, уремыште корным лум деч эрыктеныт, ече, коньки дене мунчалтеныт. Миша ден Даниил коча-ковашт деке унала миеныт. Тиде илалше еҥлан могай пиал! Эдгар у ий шӱлышан Моском ужын толын. «Молодец улыда! Ончыкыжымат тыгаяк поро да ача-авалан сай полышкалыше лийза», — иктешлыш класс шагатым Людмила Яковлевна.
6-шо «Б» классытте тунемше-влак.
Звенигово, Чакмарий.
