Шыже – идалыкын ик эн мотор пагытше. Кужу каныш деч вара йоча-влак лач шыжым парт коклашке шинчыт. Тунемше-шамыч ИЗО урокышто пӱртӱсым сӱретлат, технологийыште тӱрлӧ тӱсан лышташ да пластилин гыч аппликацийым ыштат. Теве 3-шо «Г» классыште шинчымашым погышо ӱдыр-рвезе-влак (снимкыште) туныктышышт Юлия Андреевна Глушкован вуйлатымыж почеш пластилин гыч шыже пушеҥгым ненченыт. Тыге нуно моторлыкым ужын мошташ тунемыт, парняштым лывыртат.
Н.ЕГОШИНА.
У Торъял школ.
