Икана шыжым кум йолташ: Мераҥ, Рывыж, Маска – шылын модаш кутырен келшен. Шерева тоям кучен, кӧлан шылаш да кӧлан кычалаш кӱлмым рашемдат. Маска кычалше лиеш.
– Ну, шылза, – ойла чодыра оза. – Кеч-кушто лийыда гынат, мый тендам садикте муам. Мыйын нер-ӱпш чот виян.
– Маска, – маныт Мераҥ ден Рывыж, – тӱжем марте шотло.
– Келшем, – ойла торешчапа. Мераҥ ден Рывыж тӱрлӧ велыш шикшалтыт. Маска шотлаш тӱҥалеш. Шотлен-шотленак, йолташыже-влакым кычалаш тарвана. Шке шотла, шке ошкеда… Трукышто вынемыш пуреҥгая. Туштат шотла. Шотленак мален колта.
Ятыр жап эртымеке, Мераҥ ден Рывыж шылме ве-рышт гыч лектыт. Шкешт чодыра мучко Маскам кычалаш тӱҥалыт. Но арам…
– Маска йолташна ондалыш аман. Шке мутшылан оза огыл улмаш. Шкежат ала-кушко шикшалтын. Тыгай йолташ мыланна ок кӱл. Тудлан ӱшанаш ок лий, – иктешлат Мераҥ ден Рывыж.
Тиддеч вара кум йолташ келшымым чарна. Ынде кажныже шке семынже ила.
Кира СМИРНОВА.
Морко, Коркатово.
