Шорыкйол тылзе мучаште Коркатово лицейын тунемшыже-влак районла кокласе олимпиадыш ушненыт. Тыгайже икымше гана лийын. Олимпиаде Звенигово лицейын икымше вуйлатышыже Валерьян Павлович Яковлевлан пӧлеклалтын. 5-6-шо класслаште тунемше шӱдӧ наре ӱдыр-рвезе математике, руш йылме, биологий, географий да историй дене уш-акылжым терген. Йодыш-влак оҥай, неле да шонаш таратыше лийыныт. Сеҥыше радамыш пырля тунемше-шамыч Ульяна ден Мирослав лектыныт. Шокшын саламлена да умбакыжат кугу кӱкшытыш шуаш тыланена!
Полина АЛЕКСЕЕВА.
Морко район.
Фотом лицейын архивше гыч налме.
