Школыштына ятыр кружок пашам ышта. Кушташ, сӱретлаш, тӱрлӧ поделкым ышташ туныктат. Куштымаш кружокыш нылымше ий коштам. Тудым В.А.Мамаева вӱда. Ме концертлаште мастарлыкнам чӱчкыдын ончыктена. Л.В.Соловьёва сӱретлаш кумылаҥда. Мый, карандашым, чиям кучылтын, сӱретым шочыкташ йӧратем. Тыгай усталык авам деч куснен, шонем. Мыланем пӱртӱсым сӱретлаш утларак келша. Кушкын шумеке, сӱретче лийнем.
Настя СОЛОВЬЁВА.
У Торъял, Токтарсола.
