Sanrio япон компаний тӱнялан шуко оҥай персонажым пӧлеклен. Герой-влакын сӱретыштым вургемым, канцелярий да шуко вес арверым ыштымаште кучылтыт. Hello Kitty, Мелоди ден Куроми поснак ойыртемалтыныт.
Hello Kitty – ош пырыс, пылышыжым йошкар бант дене сӧрастарыме. Тудо 1976 ийыште «шочын». Автор-влак ты геройлан умшам лӱмынак сӱретлен огытыл: йокрок йочалан шӱлыкын, куанышылан йывыртышын койжо манын.
2005 ийыште «Onegai My Melody» йоча аниме лектын. Тудын тӱҥ геройжо кына пылышан кролик – Мелоди. ™дыр поро кумылан, сайын тунемеш. Печеньым кӱэшташ йӧрата. Мультфильмын ик серийыштыже Мелоди шкаланже йолташым шонен муэш. Нуно икте-весе дене келшен, яра жапым пырля эртарен илышаш улыт улмаш. А ты герой, Куроми, мут колыштдымо, ӱскырт койыш-шоктышаныш савырна. Поро да осал койышан кок герой ваштареш шога гынат, кӱлеш годым полыш кидымат ваш шуялташ ямде улыт.
Куроми кроликын ойыртемже – сирень тӱсан пылыш. Ты герой йоча-влакым моло деч ойыртемалташ, шке шонымашке шуаш туныкта.
– Хеллоу Кити, Мелоди да Куроми сӱретан кофтем, йолашем, футболкем уло. Ты герой-влакым мый моткоч йӧратем. А эн чотшо – пырысигыжым. Тудын дене Настя тукым акам палдарен. Тений шочмо кечемлан авам ты персонажан тортым пӧлеклен, – ойла Йошкар-Оласе 30-шо номеран «Берёзка» йочасадыш коштшо Даша Попова (снимкыште).
О.МОШКИНА-МАЙКОВА.
Д.ПОПОВАН сӱретше.
