Салтаклан тыланымаш

Украиныште спецоперацийыште улшо-влаклан «У ий саламлымаш» республикысе конкурсышто 6-9 ияш ӱдыр-рвезе-шамыч коклаште Марий Турек район Арбор школын 3-шо классыштыже тунемше Ростислав Васинкин сеҥышыш лектын. Уста рвезе, гармонь дене шкеак шоктен, Арбор вел мурым йоҥгалтарен да салтак-влаклан тыгай тыланымашым ойлен:

– Элна ончылно порысым шукташ кайыше чыла салтакым шушаш У ий дене шокшын саламлем. Тазалыкым, сеҥымашым, аралтышым, кужу ӱмырым тыланем. Толшаш идалыкыште тек чыла сай шонымашда шукталтеш. Тек нимогай нелылык тендам огеш пӱгыртӧ. Йӧсӧ ончылно рыҥ шогыза. Таза капкылан пӧртылаш тыланем.