Кугезе кочам Герасим Александрович Басов Кугу Ачамланде сар тӱҥалме годым латшым ияш лийын. Василий ден Филипп изаже-влакым сарын икымше кечынжак войнаш наҥгаеныт. Тылеч вара нуным ужынат огыл – увер деч посна йомыныт.
Кочам каласкален: «Мый Берлин марте шуынам. Машина дене патрон дене оружий-влакым шупшыктенам». Война нерген кидысе сусыр палыже шарныктен. Тудо Ленинград фронтышто эмганен. Госпитательыште эмлалтын. Пареммекыже, Германийыш колтеныт. Сеҥымаш кечым тушто вашлийын. Тиде кечын тудо моткоч сай игече лийын. Кече ончен, каваште ик пылат койын огыл. Эр. Штаб гыч увер: «Сеҥымаш!» Тиде шомак кажне салтакын чонжым ырыктен.
Аня ЯМИДАНОВА.
Советский посёлко.
