Школышто тунемше-влак келге шинчымашым налме деч посна тӱрлӧ таҥасымашке ушнена. Шукерте огыл мый Звенигово районысо тоштерыште эртаралтше XI шанче-практике конференцийыште усталыкем тергенам. Кугезе кочам Степан Павлович Яковлев нерген «Мыланна илаш да шарнаш» шымлыме пашамым аклымашке луктынам да кокымшо верым сеҥен налынам. Кочам гай герой-влак дене кугешнена да курымеш шарнена.
С.П.Яковлев Кугу Ачамланде сарыш 1942 ийыште каен. Миномётчик лийын. «За отвагу» кок медаль да III степенян Чап орден дене палемдалтын. Сеҥымаш кечым Польшышто вашлийын.
Мария ЯКОВЛЕВА.
Звенигово, Эсмекпляк.
