Кеҥеж пагыт писын толын шуо. Мемнам тӱрлӧ емыж, саска куандарат. Кайык-влакын сылнын мурымышт чоным вӱчка. Мурыштым колыштын, кумылем нӧлталтеш. Тыгодым ушыштем поро шомак-влак шочыт. Ола гыч Кугу Шале ялыш толмекем, вигак уремыш лектым – шӱшпык лыжга семже дене шокшын вашлие. Шке семынем шоналтышым: тыят кеҥеж толмылан куаненат. Шӱшпыкын шӱшкымыжым колын, вес кайык-влакат хорыш ушнышт.
Настя ИВАНОВА.
Морко, Коркатово.
Туныктышо. Тиде мутым колмек, шинча ончылнем вигак авамым ужам. Тудо школышто руш йылме ден литературым туныкта. Алеся Валериевна пашам йӧрата, поро лияш кумылаҥда, келге шинчымашым пуа, йоча-влакым пагала. Мыйымат тӱрлӧ…
Елизавета Александровна – мыйын йӧратыме туныктышем. Тудо Коркатово лицейыште физкультурым туныкта. Туныктышын тыршымыжлан кӧра ме писын куржталаш, пионербол дене модаш, ече дене чын кошташ, ияш тунемына. Тудо мемнам тӱрлӧ таҥасымашке…
