Волжский район Пӧтъял кыдалаш школын тунемшыже-влак да физкультурым туныктышо А.А.Семенов спортын эн лишыл йолташыже-влак улыт. Ӱдыр-рвезе-шамыч Альберт Аркадьевичын вуйлатымыж почеш спортын тӱрлӧ видше дене сеҥымашке шуыт. Тунемше-влакын «Президентский состязаний» всероссийский спорт таҥасымашын регионысо йыжыҥыштыже кажне ийын кӱкшӧ лектышым ончыктат. Теният Пӧтъял школын командыже республикыште икымше верым сеҥен налын. Йоча-влак личный зачётыштат ойыртемалтыныт.
Ӱдыр-рвезе-влак «Орлёнок» всероссийский йоча рӱдерыште сентябрьыште эртаралтше российысе йыжыҥыште Марий Элын чапшым кандашымше гана аралаш тӱҥалыт.
Н.И.ВАСИЛЬЕВА,
директорын воспитаний паша шотышто алмаштышыже.
