26 сентябрьыште Удмурт Республик Ижевск оласе 88-ше номеран школышто кугу туткар лийын. Палыдыме рвезе школыш пурен лӱйкален. 17 еҥ колен, тушеч 11-ше – йоча-влак. 25 еҥ сусырген, тушеч 23-шо – икшыве-влак.
Марий Элым Вуйлатыше Ю.В.Зайцев республикысе школ-влакын террор ваштареш лӱдыкшыдымӧ улмыштым тергаш да пропускной режимыштым вияҥдаш кӱштен.
Кызыт поснак тӱткӧ лийман. Тӱрлӧ ситуацийыште шкем чын кучымо шотышто правил-влакым палыман. Школышто лӱйкалыме йӱкым колмеке, теве мом ыштыман:
- лӱйкалыме, кычкыркалыме йӱк-йӱан школын вес ужашыштыже шокта гын, зданий гыч шолып лекташ тыршыман; тыгодым рюкзак, вургем, телефон нерген тургыжланыман огыл, тӱҥжӧ – шкем аралыман;
- куржаш ок лий гын, шылман. Классыште шып шинчыман, телефоным чарыман, тулым йӧртыман. Омсам тӱкылман але парт, шкаф, пӱкен дене чараклыман;
- ны куржын, ны шылын шукташ ок лий гын, кӱвар ӱмбаке вочман да колышыла койман;
- террорист деч саргуралжым шупшын налаш але тудын дене вашпижаш тыршыман огыл;
- полиций пашаеҥ-влакын ойыштым шуктыман, нунылан мешайыман огыл. Иктаж уверым паледа гын, ойлыман.
Уверым Марий Эл Республикысе граждан обороно да калыкым аралыме шотышто комитет ямдылен.
