Мый Сакар Починга ялыште шочынам. Кызыт ачам, авам, шўжарем дене Шернур посёлкышто илена. Мыланем шочмо кундемем моткоч келша. Посёлкышто парк уло. Тушто калык кана, рвезе-влак футболла модыт. Фонтан каныме верым сӧрастара. Изи йоча-влак тудын йыр юарлен куржталыт. Посёлкышто тоштер-ончер компекс пашам ышта. Тушко пырля тунемше йолташем-влак дене миен улына. Мыланна пеш келшен, шуко ум пален налынна. Мемнан пачер деч тораште огыл – книгагудо. Тушко мый куанен коштам.
Максим ЗОРИН.
2-шо номеран Шернур школ.
