«Марий тӱр» тоштерыште мемнам Ираида Степанова ден Валентина Андреева вашлийыныт. Уремыште ший самовареш чайым пырля шолтенна. Тулым Володя йолташна ылыжтен. Ме пӱгыльмым кышкенна. Вӱд шолаш пурымеке, тӱрлӧ шудым оптенна. Пеш чот тамле чай лектын. Чылалан келшен. Тоштерыште тӱрлӧ кундемыште илыше марий калыкын вургемже, вуйчиемже, сӧрастарыше ӱзгарже дене палыме лийынна. Йыдалым пидынна, марий сем почеш куштенна. Чапле вашлиймашлан таум ойлена.
Анфиса ФИЛИППОВА.
Звенигово, Эсмекпляк.
28 ноябрьыште Йошкар-Оласе историй да археологий тоштерыште «VI Малые Евсеевские чтения» регион-влак кокласе шанче-практике конференций эртаралтын. Тушко Марий Элын тӱрлӧ районжо, Тюмень область Ишим ола гыч тунемше ден студент-шамыч ушненыт.…
Йыванай школышто Аван кечыжым пайремленна. Ӱдыррвезе-влак лишыл еҥышт лӱмеш чапле концертым ямдыленыт. Визымше классыште тунемше-шамыч (снимкыште) «Марий йоча улам» мурым йоҥгалтареныт. Йоча жапын моторлыкшылан куанен, марий икшыве улмышт дене кугешнен…
