Лум шулен пытышат, мландым шӧршудо пеледыш леведе. Куш от ончал, йырымваш нарынче тамга. 1-ше номеран Морко кыдалаш школышто тунемше йоча-влак нарынче пеледышым арня мучко погышна. Кугурак ийготан-шамыч шӧршудо гыч тӱрлӧ салатым, мӱйым, мазьым ыштат. Варенят тамле лиеш. Мӱкш-шамычат ты пеледышыште ызгат: нектарым погат. Нӧшмӧ шумек, нарынче пеледыш ош мамык шарыш савырна. Мардеж пуалешат, модын чоҥешта. Тудо пуйто тыге мемнан дене вес шошо марте чеверласа.
Оля ВАСИЛЬЕВА.
1-ше номеран Морко школ.
Снимкыште: Ульяна Золотарёва (Йошкар-Ола).
