Йылмым, литературым да историйым научнын шымлыше В.М.Васильев лӱмеш Марий институт «Шочмо кундемем – чон пӱрымашем» регион-влак кокласе краеведений конкурсым увертарен. Конкурсыш школышто тунемше ӱдыр-рвезе-влак да студент-шамыч ушнен кертыт.
Кум таҥас уло:
- «Шочмо вер эн чевер» (шочмо кундемын эртыме корныжо, ял, села, пӱя, ер, эҥер, ото, корем-влакын лӱмышт кушеч лекме нерген рефератым але шымлыме пашам возыман).
- «Йӧратыме вершєр да калык ойпого» (легендым, преданийым, сем фольклорым шымлыме нерген серыман).
- «Нунын дене кугешнена» (шочмо кундемыштым пашашт, сеҥымашышт дене чапландарыше еҥ-влак нерген).
Йодмашым да пашам 2023 ий 15 ноябрь марте колтыман. Тӱрыс увер – marnii.ru сайтыште.
