Волжск оласе 23-шо номеран «Кораблик» йочасадыште Марий Эл Республикын 105 ияш лӱмгечыжлан пӧлеклалтше пайрем эртаралтын. Йоча-влак пеш ямдылалтыныт. Кажныже почеламутым тунемын: иктыже марла, весыже рушла каласкален. Подготовительный группыш коштшо ӱдыр-влак воспитательышт Л.А.Ефимова дене пырля (снимкыште) сылне марла куштымаш дене куандареныт. Пайремым вӱдышӧ йоча-шамычым марий калык модышла дене палымым ыштен да модыктен. «Марий Эл – мыйын шочмо верем» викториныште кажныже вашмутым пуаш тыршен. Пайрем моткоч сай, марий шӱлышан лийын.
Надежда ТИМОФЕЕВА.
Авторын фотожо.
