Мый Москошто икымше гана лийынам. Российын рӱдолажым ужаш эре шоненам. Школышто историй урокышто Москолан пӧлеклалтше урок лийын. Сандене ты олам шке шинча дене ужаш кумыл эшеат нӧлталалтын. Теве шонымашем шукталтын. Москошто ачам пашам ышта. Туддеке авам дене коктын унала миенна.
Моско – моткоч кугу ола. Тудын историйыштыже Юрий Долгорукийын лӱмжӧ кугу верым налеш. Ожно ты олмышто пич чодыра кушкын, ир янлык-влак иленыт. Эҥерыште шуко кол лийын. Тиде верышке калык толын, изи села дене илен. Илем-шамычым Юрий Долгорукий иктышке чумырен, тыге Моско шочын. Тудо кугемын, моторештын. Пу оралте-шамычым кӱ полат-влак алмаштеныт. Рӱдолашке тӱрлӧ вер гыч еҥ-шамыч толыт. Тудын моторлыкшым кугешнен эскерат. Ме элнан эртыме корныжым палышаш улына.
Арсений КОРОЛЁВ. Йошкар-Ола.
Фотом еш архив гыч налме.
