Вишньым моткоч йӧратем. Чевергымыжым вучен шуктышым. Олаште илена гынат, шкенан садна уло. Тушто ятыр вишне вондо кушкеш. Авам, ковам дене пырля мыят ты саскам погышым. Саскаже тамле, тазалыклан пайдале. Тудо В, С витамин-влаклан поян. «Вишне» мут «пижедылше сокан пушеҥге» манмым ончыкта. Вишньын шочмо вержылан Керасунд (кызыт – Гиресун) ола шотлалтеш. Римлян-влак лач тушто ты кушкылым икымше гана ужынат да «керасунский саска» манын лӱмденыт. Тӱнямбалне 150 тӱрлӧ вишне уло.
Ксения РУЗИНА.
Йошкар-Ола.
Фотом еш архив гыч налме.
