Шошо каникуллан ковам деке Кужэҥер район Кугу Регежышке унала миенам. Ялыште пеш сай. Ковам дене пырля модынна, книгам лудынна, сурт коклаште сомылым ыштенна, мӧҥгысӧ паша нергенат монден омыл. Шуко жапым пӱртӱсыштӧ эртаренна. Ик кечын чылт путешествийым ыштенна. Чодыраште, вӱд воктене коштынна,пошкудо яллашке миенна. Ковам ачамын тунемме школжым ончыктен. Ондак тудым тора гыч ужынам, но лишычын ончаш оҥайрак улмаш. Йолын ончен кошташ мыланем пеш келшен. Шошо канышем пайдалын эртен.
Мария МАМАЕВА.
Йошкар-Оласе 23-шо номеран школ.
Фотом еш архив гыч налме.
