Кажне ийын школыштына ветеран-влак дене вашлиймаш эртаралтеш. Теният мемнан дек Виталий Николаевич Мосолов, Василий Михайлович Токтаров, Вячеслав Витальевич Кутузов толыныт ыле. Нуно Афган сарыште служитлымышт нерген каласкаленыт. Уна-шамыч тунемше-влаклан спорт дене изинек кылым кучаш, капкылым шуараш да школышто кыртмен тунемаш тыланеныт. Мыйын шонымаште, тыгай вашлиймаш пеш кӱлешан да шергакан.
Родион НЕБОГАТИКОВ.
У Торъял, Токтарсола.
