Йошкар-Ола воктенысе «Радужный» йоча туныктымо рӱдер пелен «Смена Первых. Импульс» профиль смене эртаралтын. Тушко мый кокымшо гана логалынам. Рӱдерыш республикысе тӱрлӧ район гыч ӱдыр рвезе-влак погыненыт. Ме тушко канаш огыл, пашам кыртмен ышташ миенна. Наставник-шамыч дене эртыше тунемме идалыкым иктешленна. Экшыкшамычым лончыленна, ончыкылыклан пашам радамленна.
Кугу лӱман еҥ-влак дене вашлиймаш ушеш поснак поро шарнымашым коден. Мемнан деке Марий Эл Республикым вуйлатыше Юрий Викторович Зайцев, министр-влак да тӱрлӧ тӧнежым вуйлатыше-шамыч толыныт. Ме ик залыште шинченна да чоным тургыжландарыше йодышлам лончыленна. Шонымашнам тӱткын колыштмышт нимо деч шергын чучын.
Сменым «Импульс» манын, арам огыл лӱмденыт. Сомыл деч посна шинчылташ жап йӧршын лийын огыл. Мыланна «Импульсная Зарница» военно-патриотический модмашым эртареныт. Ме карт почеш куржталынна, икымше полышым пуаш тунемынна. Тыгак автоматым ронченна, погенна. Тылеч посна вес отрядыш унала коштынна, усталыкнам ончыктенна.
«Импульс» мыланем у шонымашым, у кумылым пӧлеклен. Мӧҥгӧ шулдыраҥше пӧртылынам.
Полина ЩЕГОЛЕВА.
Марий Турек посёлко.
Фотом еш архив гыч налме.
