Коҥганур школ пеленысе йочасадыште «Шӧртньӧ шыже» пайремым эртаренна. Тиде пагытын моторлыкшым, поян пакчасаскам моктен, йоча-влак почеламутым сылнын лудыныт. Сеҥышыш Анфиса Леухина лектын. Кокымшо верым Матвей Юнусов ден Лиза Кошкина пайленыт. Кумшо вер дене Ульяна Егошина, Вика Бочарова, Оля Шутылева палемдалтыныт. «Открытие» таҥасыште Ваня Вараксин ойыртемалтын.
Э.М.БЫКОВА, воспитатель.
Кужэҥер район.
Теле каныш деч вара икымше тунемме кечын ме класс вуйлатышынан у ий заданийжым иктешлышна: каникулышто кажне кечын могай поро пашам ыштымым дневникеш возенна. Ӱдыр-шамыч пӧртым арун кучаш полшеныт, кӱмыж-совлам мушкыныт,…
Российна моткоч поян да кумда. Мыняр ола, посёлко, села, ял?! А тушто могай гына калык-влак огыт иле! Кажныжын – ойыртемалтше тӱвыраже, йӱлаже, койыш-шоктышыжо. Лач тидак мемнам пойдара да уша. Икте-весым…