4-6 августышто Шернур кундемыште «Кеҥеж сылнымутчо» республикысе семинар эртаралтын. Тудо сылнымутым йӧратыше-влакым ушен. Нунын коклаште мыланемат лияш пиал шыргыжалын. Ме Шернур кундемыште шочшо серызе-шамыч: В.Бердинский, З.Ермакова, С.Григорьева, А.Мокеев – дене вашлийынна. Тыгак журналист, сӱретче, тоштер пашаеҥ-влак дене палыме лийынна.
Семинарыште шке таҥаш самырык еҥ-шамычым ужаш поснак куанле лийын. Тиде Кужэҥер район Тумньымучаш ял гыч Ольга ден Венера Глушковамыт, 1-ше номеран Шернур школ гыч Аня Прохорова. Ме сылнымут пашаште ончыкыжымат «шолаш» товатлена.
Дмитрий ВЕДЕНЬКИН.
1-ше номеран Шернур школ.
