8-21 ноябрьыште «Смена» всероссийский йоча рӱдерыште «В объективе РДШ» смене пашам ыштен. Тушто лияш мыланемат пиал шыргыжалын. Кажне кече тӱвыргӧ лектыш дене куандарен. Графике дизайн, флористике, керамике, театр усталык да моло паша нерген пален налынна. Спортлан жапым ойыренна. Волейбол, баскетбол дене модынна, таҥасымашлаште вийнам тергенна. Тыгак тӱрлӧ экскурсийыш коштынна, лӱмлӧ еҥ-влак дене палыме лийынна. Журналист, вӱдышӧ Наталья Рыжкова дене пайдале да оҥай вашлиймаш у шонымаш-влакым шочыктен. Нӧлталтше кумыл, поро шарнымаш кужу жап пеленем лийыт.
Наталья ИСМАКОВА.
Йошкар-Ола, 29-ше номеран школ.
