Шукерте огыл Озаҥ оласе марий-влакын ушемышт да марий рушарня школышто тунемше-шамыч Волжский да Морко районлаш экскурсий дене миенна. С.Г.Чавайнын пӧрт-тоштерыштыже да литературно-этнографий тоштерыштыже лияш пиал шыргыжалын. Карман курыкыш кӱзенна. «Чоткар-патыр» тӱвыра да историй комплекс мыланем поснак келшен. Снимкыште ача-авам дене пыря Чоткарын скульптуржо воктене шогена. Ты верыште лийме годым юзо шӱлыш шижалтын. Экскурсий деч вара вий-куат ешаралтын.
Святослав ПОЛИКАРПОВ.
Татарстан, Озаҥ.
