Таумут

Марий йылмым йӧратем
Да марла раш кутырем.
Шинчымашым келгемден,
Конкурслашке мый ушнем.
Олимпиадым со вучем,
Уш-акылем эре тергем.
Сай лектыш лийже ман тыршен,
Сеҥышыш уэш лекнем.
Кидыштем – мотор диплом,
Тау, ший туныктышем!
Тау, шочмо Унчо школ,
Куанен шӱм-чон мочол!

Российысе калык-влакын шочмо йылмышт да литературышт дене федерал олимпиадыште мый уш-акылем тений икымше гана тергенам. Унчо школ гыч вич тунемше сеҥыше-влак радамыш лектын (снимкыште). Марий кугыжаныш университетыште медальым кучыктеныт. Туныктышына Римма Николаевна Петрова тауштымо серыш дене палемдалтын.

Эмилия ИЛЬИНА.
Морко, Унчо.
Фотом школ архив гыч налме.

Юнкор деч серыш

Related Posts

Серызын пӧлекше – йоча почеламут

Поҥго погымаште