Звенигово ола гыч самырык моряк-влак «Россия – страна мореходов XXI века» кугу проектышке ушненыт. Нуно Великий Новгород олаште капитан Н.Г.Варухинын теҥыз рӱдерыштыже морской пашалан вич кече тунемыныт. Эмганыше-влаклан икымше полышым пуымо шотышто шинчымашыштым пеҥгыдемденыт. Навигаций тренажёрым ужыныт. Тренажёр полшымо дене суднын тӱрлӧ эҥгекыш логалын кертмыжым: теҥызысе кугу тӱтаныште але ий коклаште ийын коштмыжым – ончыкташ лиеш. Тыгай проект моряк-влакым теҥыз пашалан утларак кумылаҥден.
