Кугу Ачамланде сар тӱҥалмылан 80 ий теммылан пӧлеклалтше всероссийский конкурс иктешлалтын. Тушто 8-11-ше класслаште тунемше-влак таҥасеныт. ™дыр-рвезе-шамыч «История моей семьи в годы Великой Отечественной войны, вклад в Великую Победу» темылан сочиненийым возеныт. Конкурсын республикысе йыжыҥышкыже 137 паша пурен. Тушечын эн сайжым ойырен, Москошко колтеныт. Йошкар-Оласе 17-ше номеран школын тунемшыже Дарья ВАСИЛЬЕВА, 15-ше но-меран школ гыч Анастасия ГОРЕВА да Марий Турек район Мариец школ гыч Ранис МАНГАЛИЕВ сеҥышыш лектыныт.
– Кугу Ачамланде сарыште лийше коча-кова-влак нерген шымлымаш пашам икмыняр ий ончыч эртаренам. Кугезе ковам Анна Андреевна Попова деч сар годсо илыш нерген йодыштын, проектым возенам. Тиде паша келге шонымашан сочиненийым сераш полшен, – ойла Дарья Васильева (снимкыште).
