Виктория Петрова Морко район Унчо кыдалаш школышто 11-ше классыште тунемеш. Тений марий йылме да литератур дене регион-влак кокласе олимпиадыште марий литератур дене кумшо верым сеҥен налын. «Шочмо йылмым палаш да пагалаш мыйым ачам ден авам изи годсек шӱмаҥденыт. Школышто кугу тӱткышым туныктышына Римма Николаевна Петрова ойыра. Шочмо йылме – тиде ик эн кугу поянлык. Тудо тукым гыч тукымыш куснен толеш да эре сылнештеш. Шочмо йылмым сайын палет гын, вес йылмым куштылгын тунемаш лиеш», – ойла чолга ӱдыр.
З.ТИМОФЕЕВА.
Фотом МарГУ-н «Вконтакте» соцкылысе тӱшкаж гыч налме.
