Йошкар-Олаште шуко музей уло. Школлаштат, йочасадлаштат изирак тоштер-влакым келыштарат. А те, йоча-влак, тоштерыште лияш йӧратеда? Тоштер – тиде тымык вер. Тушто шуко оҥайым ужаш да уш-акылым пойдараш лиеш. Мыланем Республикысе сӱретсымыктыш тоштерыште лияш келша (снимкыште). Тушто тӱрлӧ ончер эртаралтеш. Мый тиде музейыште шуко жапым эртарем. Кажне сӱретым, арверым тӱслен ончем. Сӱретче-влакын мастарлыкыштлан куанем. Нуно, чынжымак, уста улыт!
16 майыште «Тоштерыште йӱд» акцийышке ушненам.
Ева ВИНОКУРОВА.
Йошкар-Ола, 80-ше номеран йочасад.
Фотом еш архив гыч налме.
