Йошкар-Ола воктене верланыше Семёновка селасе 21-ше номеран школышто тунемше ӱдыр-рвезе-влак тӱрлӧ конкурсышто мастарлыкыштым ончыктат. Школьник-влакын российысе толкынышт тидлан шӱкалтышым ышта. Кажне ийын 29 октябрьыште тиде толкын радамыш кумылан-влакым пуртат. Нунылан галстукым да значокым пижыктат (снимкыште).
Шукерте огыл 2-шо «В» классыште тунемше Арина Сатарова «Ачай дене пырля зарядкым ыштена» всероссийский конкурсышто сеҥышыш лектын. 3-шо «Б» классыште тунемше-влак «Авайлан спектакль» проектым возеныт. Нуно Н.Носовын «Бабушка Дина» ойлымашыже почеш сценкым модын он-чыктеныт. Сеҥыше радамыш логалын огытыл гынат, кумылышт волен огыл. «Ме-диашкола РДШ» проектыш ятыр тунемше ушнен. Ончыкыжым нуно школышто газетым лукташ шонат.
С.ШАБАЛИНА.
