Уста йоча да самырык-влакын талантыштым вияҥ даш полшышо «Волгенче» регионысо рӱдер Йошкар-Оласе Бауман лицей пелен шукерте огыл почылтын. Мыланна, Морко район Коркатово лицейын уста тунемшыже-влаклан, тудым почмаште лияш пиал шыргыжалын. Тушто Марий Элым Вуйлатыше Ю.В.Зайцев лийын. Юрий Викторович икшыве да туныктышо-влакым саламлен, у сеҥымашыш шуаш тыланен. Мероприятий мыланна моткоч келшен. Ме, физико-математический да кадетско-правовой класслаште тунемше-шамыч, «Мехатроника да электроника» мастер-классым онченна. Тушто шуко оҥ айым пален налынна.
Мыйын шонымаште, «Волгенче» рӱдер моткоч кӱлешан. Марий Элыште уста ӱдыр-рвезе шуко. Нунылан шонымашышкышт шуаш моткоч сай йӧн.
Таня СУВОРОВА.
